An Post agus An Comhphobal

Image Gallery

An Post agus an Rothaíocht

Is breá linn an rothaíocht in An Post. Úsáideann a lán seachadóirí poist rothair chun an post a sheachadadh. I ndáiríre, níl aon rud níos fearr ná an ghrian a mhothú ar d'aghaidh agus an ghaoth ag cigilt do chluasa nuair a bhíonn tú ag imeacht síos bóthar álainn tuaithe ar nós na gaoithe. Fiú amháin, déanaimid urraíocht ar rás an-mhór do na rothaithe is fearr thart timpeall an domhain, ar a dtugtar "An Rás". Anuas ar sin, tugaimid tacaíocht chomh maith do Shraith Rothaíochta An Post ar féidir le gach uile dhuine, tú féin san áireamh, páirt a ghlacadh inti!

Fís Fíric Spraoiúil

Ar Do Rothar!

Is rás rothaíochta ocht-lá é An Rás a bhíonn ar siúl in Éirinn gach bliain. Tá sé ar siúl anois ar feadh i bhfad, ó 1953 i leith! An raibh a fhios agat gurb é RÁS an focal Gaeilge ar 'Race'. Is rás an-deacair é agus glacann roinnt de na rothaithe is láidre ar domhan páirt ann!

Bíonn Sraith Rothaíochta An Post ar siúl gach Samhradh ó mhí na Bealtaine go dtí mí Mheán Fómhair. Tugann sí spreagadh do dhaoine dul in airde ar a rothair agus dul ag rothaíocht lena gclann agus lena gcairde. An bhfuil rothar agat? Cén fáth nach dtéann tú in airde air agus amach faoin aer glan chun dul ag rothaíocht le do chairde nó le do chlann? Ach ná déan dearmad do chlogad a chur ort!

Fís

Fíric Spraoiúil

Fíric Spraoiúil:

I 1935, thug fear óg darbh ainm Fred Birchmore cuairt na cruinne ar a rothar! Rothaigh sé níos mó ná 25,000 míle tríd an Eoraip, an Áise agus Meiriceá. Nach bhfuil sé sin go hiontach! Ceapaimid go raibh sé tuirseach go leor faoin tráth a chríochnaigh sé!
Leathanach Roimhe Seo