Ionad Cuairteoirí Ard-Oifig an Phoist – Féach ar an Stair

Tá an oiread sin le foghlaim faoi Ard-Oifig an Phoist agus faoi Éirí Amach na Cásca 1916 nach féidir linne fiú é ar fad a insint duit.

Ach tá áit ann ina bhfaighidh tú an t-eolas ar fad atá uait. Sin Ionad Cuairteoirí Ard-Oifig an Phoist – Féach ar an Stair, an áit a mbíonn an stair beo beathach.

Tá dalladh teicneolaíochta, físeán, fuaime agus déantúsáin bhunaidh ó Éirí Amach na Cásca 1916 i measc na dtaispeántas. Ní fhaca an pobal cuid mhaith de na hearraí sin riamh cheana.

Insíonn an taispeántas idirghníomhach scéal shaol na nÉireannach roimh Éirí Amach 1916, imeachtaí Sheachtain na Cásca 1916 agus an méid a thit amach i ndiaidh an Éirí Amach.

Tá Ionad Cuairteoirí Ard-Oifig an Phoist – Féach ar an Stair taobh istigh d’Ard-Oifig an Phoist féin. Chomh maith le scéal Éirí Amach na Cásca 1916 a insint, tá neart eolais ann freisin faoi ról Oifig an Phoist in Éirinn ag an am.

Gníomhaíochtaí in Ionad Cuairteoirí Ard-Oifig an Phoist – Féach ar an Stair

  • Foghlaim faoi Ard-Oifig an Phoist agus faoin ról a bhí ag an bhfoirgneamh agus ag an bhfoireann in Éirí Amach 1916 
  • Léigh litreacha a scríobhadh na céadta bliain ó shin ina ndéantar cur síos ar an gcineál saoil a bhíodh ag daoine sna seanlaethanta 
  • Breathnaigh ar an tseanchulaith a chaitheadh na fir phoist ar fad agus iad i mbun oibre 
  • Foghlaim faoin gcaoi ar chabhraigh Oifig an Phoist le daoine a bheith i dteagmháil le chéile, ní amháin le litreacha agus le cártaí, ach ar an teileafón freisin 
  • Dear do chuid stampaí féin

Léirítear an chaoi a raibh Ard-Oifig an Phoist i gcroílár imeachtaí Éirí Amach 1916 in Ionad Cuairteoirí Ard-Oifig an Phoist – Féach ar an Stair. Léirítear freisin an chaoi a bhfuil Oifig an Phoist ar cheann de na seirbhísí is tábhachtaí i saol na nÉireannach; rud a bhí fíor fadó fadó, agus atá fós sa lá atá inniu ann.

Fíric Spraoiúil

Fíric Spraoiúil

Tá a Oifig an Phoist féin ag an Túr Eiffel i bPáras na Fraince. Má théann tú suas ar an Túr Eiffel riamh, buail isteach agus féach timpeall, is oifig an phoist an-bheag í. Tá súil againn nach bhfuil sceimhle na hairde ar fhear an phoist!