An Fhoireann Sheachadta

Bailíodh an post, tógadh go dtí an lárionad poist é agus sórtáladh é. Níl le déanamh anois ach é a sheachadadh! Lean ort ag léamh chun a fháil amach conas a dhéanann siad an post a sheachadadh trasna na tíre agus fiú amháin trasna na farraige.

Sínithe, Séalaithe, Seachadta

Nuair a bhíonn an post go léir sórtáilte de réir baisce do gach limistéar, pacáiltear i dtráidirí agus i gcásanna é agus cuirtear ar aghaidh é i dtrucailí go dtí oifigí seachadta ar fud na hÉireann. An post atá ag dul go dtí tíortha eile, téann sé go dtí an t-aerfort chun a aistear timpeall an domhain a thosú!

Téann seachadóir poist áitiúil go dtí an oifig sheachadta chun an post a bhailiú. Úsáideann an chuid is mó de sheachadóirí poist veaineanna, gluaisteáin agus rothair nó siúlann siad chun an post a sheachadadh trid an cheantair - beag beann ar an aimsir - braitheann sé go léir ar an áit ina mbíonn siad ag obair.

Fear An Phoist Peadar

Haló! Peadar is ainm domsa agus bailím an post ón oifig sheachadta áitiúil agus seachadaim go dtí tithe ar fud an bhaile é. Tosaíonn an lá go han-luath dom - ag a sé a chlog ar maidin - i bhfad sula n-éiríonn tú chun dul ar scoil, táim cinnte de. Bainim úsáid as rothar chun an post a sheachadadh. Is rothar buí é agus tá ciseán tosaigh air ina gcuirim mo mhála poist. Tá sé díreach cosúil leis an rothar anseo (arrow pointing to visual).

Is breá liom an rothaíocht - is mór an spraoi í, go háirithe nuair a bhíonn sé grianmhar. Tá sé an-áisiúil chomh maith nuair is gá dom imeacht go tapa ó mhadraí móra feargacha!

Fíric Spraoiúil

Fíric Spraoiúil

I bhfad ó shin sa Bheilg, úsáideadh cait chun an post a sheachadadh! Níor éirigh chomh maith leis sin mar bhí na cait an-dána agus ní rabhthas ábalta iad a thraenáil. A leithéid de thubaiste!

Gníomhaíocht

Gníomhaíocht

Triail do chuimhne

An féidir leat cuimhneamh ar aistear na litreach? Scríobh síos an méid is mó agus is féidir leat faoin áit a théann litir tar éis í a shleamhnú isteach sa bhosca poist go dtí go sroicheann sí do bhosca litreacha. Agus má bhíonn aon deacracht agat, cuir ceist ar do mhúinteoir.