Do Phost A Leanúint

Sa seansaol nuair a chuir tú litir tríd an bpost, chuir tú sa bhosca poist í agus d'fhág tú slán léi! Ní raibh a fhios agat go bhfuarthas an litir go dtí go bhfuair tú freagra.

Ach tá athrú mór tagtha ar chúrsaí ó shin i leith. Is féidir linn rudaí cliste de gach sórt a dhéanamh anois in An Post, mar shampla, do phost a leanúint céim ar chéim, ionas go mbeidh a fhios agat cinnte cá bhfuil sé agus cathain a bhfuarthas é.

Tá Rianú & Lorg Go hIontach!

Is féidir leat do phost a rianú agus a lorg beag beann ar an gceann scríbe, fiú amháin go dtí áiteanna i bhfad i gcéin, mar shampla an Nua-Shéalainn! Ní gá ach stampa agus barrachód speisialta.

Is féidir le hOifig an Phoist an barrachód - cosúil leis an gceann anseo - a úsáid chun do phost a rianú agus chun súil a choimeád air i rith a aistir. Ní gá a bheith ag déanamh na bhfolachán a thuilleadh le do phost, anois beidh a fhios agat i gcónaí cá bhfuil sé!

Rianaithe De Gach Sórt

Tá a lán bealaí difriúla ann chun do phost a leanúint. Braitheann sé go léir ar cé chomh tapa ar mian leat go bhfaighfaí é.

Má tá rud éigin cosúil le leabhar á chur tríd an bpost agat agus más mian leat a fháil amach go bhfuarthas go sábháilte é, úsáideann tú Post Cláraithe. Ansin beidh tú ábalta do phost a leanúint go dtí go sroichfidh sé a cheann scríbe. Beidh a fhios agat go bhfuair an duine go sábháilte é mar síneann sé nó sí dó. Nach cliste é sin!

Agus más rud an-phráinneach é, rinne tú dearmad cárta lá breithe a chur chuig do mham (whoops!), is féidir leat Mearphost a úsáid. Is seirbhís fíorthapa é seo a chinnteoidh go sroichfidh do phost a cheann scríbe in am! Zooooom!

Fíric Spraoiúil

Fíric Spraoiúil:

An raibh a fhios agat má chuireann tú beartán tríd an bpost trí phost cláraithe go dtí áit i bhfad i gcéin, mar shampla an Chéinia san Afraic, gur féidir leat an t-aistear ar fad a leanúint gan do sheomra suí féin a fhágáil. Is iontach é sin, nach ea? Tá súil againn go mbeidh mbeidh seachadóir poist ag faire go géar ar na leoin ocracha sin!

Gníomhaíocht

Gníomhaíocht:

Mo Bhosca Litreacha