An Fhoireann Shórtála

Nuair a bhíonn an post bailithe ag duine an phoist, tugann sé nó sí an post sin chuig ceann de na ceithre lárionad poist chun é a phróiseáil. Tá na ceithre lárionad poist seo bunaithe i mBaile Átha Luain, i gCorcaigh, i mBaile Átha Cliath agus i bPort Laoise agus tá siad lán d'oibrithe agus de mheaisíní a dhéanann na litreacha, na beartáin agus na pacáistí go léir a shórtáil i rith na hoíche!

An Duine In Aghaidh An Mheaisín

Ag brath ar cibé litir nó rud éigin níos mó atá i gceist, mar bheartán, déanann duine nó meaisín an post a shórtáil. Tá meaisíní ollmhóra sna lárionaid phoist a dhéanann na seoltaí ar chlúdaigh litreach a scanadh agus a léamh agus a chuireann na litreacha sa charn ceart. Ciallaíonn sé sin go ngrúpáiltear le chéile na litreacha go léir atá ag dul go dtí an áit chéanna ionas go mbeidh sé éasca iad a sheachadadh.

Uaireanta, ní féidir leis an meaisín an seoladh a léamh agus tógann sé pictiúr de. Féachann duine ar an bpictiúr ar an scáileán ríomhaire, léann an duine an seoladh agus brúnn cnaipe a insíonn don mheaisín cén áit den tír a gcuirfear an litir chuici chun í a sheachadadh an lá dar gcionn.

An raibh a fhios agat?

An raibh a fhios agat?

Oibríonn níos mó ná 7,000 (!) fear agus bean de lá agus d'oíche in An Post chun a chinntiú go ndéantar do litreacha a sheachadadh go sábháilte timpeall na tíre agus thar lear. Sin méid mór daoine!