Feidhmchlár Fóin Póca An Post

Ar mhaith leat litir a rianú agus a lorg, Oifig an Phoist is cóngaraí duit a aimsiú nó a fháil amach cé mhéad a chosnóidh sé chun an beartán sin agat a chur ar an bpost? Faigh an Feidhmchlár Guthán Póca An Post do d'fhón agus beidh an t-eolas sin go léir agat i gceann cúpla clic tapa. Is féidir leat Rianú agus Lorg a úsáid ar líne chomh maith ar shuíomh gréasáin An Post www.track.anpost.ie

Lig d'Fheidhmchlár Guthán Póca An Post do phost a rianú

Bíonn rochtain agat i gcónaí ar Oifig an Phoist a bhuíochas le Feidhmchlár Fóin Póca An Post.  Is féidir an feidhmchlár sin a úsáid chun aon mhír phoist a chuireann tú tríd an bpost a rianú, ón uair a chuirtear tríd an bpost í go dtí go seachadtar í. Mar sin, beidh a fhios agat i gcónaí gur shroich sí a ceann scríbe. Is féidir leat an Oifig an Phoist is cóngaraí duit a aimsiú chomh maith, beag beann ar an áit a bhfuil tú sa tír. Chomh maith leis sin, is féidir leat na huaireanta oscailte a fháil amach. Nach bhfuil sé sin áisiúil?

Is féidir leat Oifigí an Phoist a aimsiú chomh maith ar shuíomh gréasáin An Post www.anpost/localpostoffice.ie

Rátaí poist d'aon chlic amháin

Úsáid an Feidhmchlár Guthán Póca An Post chun costas do phost a fháil amach sula gcuirfear tríd an bpost é!

Tapa agus éasca le húsáid, tugann sé na rátaí poist go léir duit - litreacha beaga go dtí beartáin throma - beag beann ar an áit ar domhan a bhfuil siad ag dul. Is féidir leat rátaí poist a sheiceáil chomh maith ar shuíomh gréasáin An Post www.anpost/postalrates.ie

An raibh a fhios agat?

An raibh a fhios agat?

Cruthaíodh an tIdirlíon i dtús na 1960í ach níor éirigh go maith leis i gceart go dtí na 1990í. Sa lá atá inniu ann, úsáideann níos mó ná dhá bhilliún duine an tIdirlíon. Wow!

Gníomhaíocht A Dhéanann Tú Féin

Gníomhaíocht A Dhéanann Tú Féin

Le cabhair ó do mhúinteoir, bain úsáid as an bpost cláraithe chun beartán beag a chur tríd an bpost. Gheobhaidh tú barrachód in Oifig an Phoist nuair a chuirfidh tú an beartán tríd an bpost. Ansin, in éineacht le do rang, logáil isteach in www.track.anpost.ie agus bain úsáid as an mbarrachód chun do bheartán a rianú, ón uair a fhágann sé Oifig an Phoist go dtí go sroicheann sé a cheann scríbe!