Oifig an Phoist

Image Gallery

Margaíocht le Mail

Ní amháin go gcabhraíonn An Post le daoine fanacht i dteagmháil lena chéile, ach cabhraíonn sé le gnólachtaí chomh maith caint lena chéile agus cumarsáid a dhéanamh go díreach lena gcustaiméirí.  Tugtar Post Díreach ar seo. Gach lá, láimhseálann An Post a lán Poist Dhírigh, ionas gur féidir le ghnólachtaí táirgí agus seirbhísí a fhógairt do chustaiméirí go tapa agus go héasca.

Cuirimid in iúl dár gcustaiméirí gnó go léir go gcaitheann 72% d'aosaigh roinnt ama ag léamh a gcuid poist. Mar sin, bheadh siad an-sásta cloisteáil faoi tháirgí agus seirbhísí nua atá bainteach leo. Freagraíonn a lán daoine don phost díreach chomh maith tríd an nguthán, tríd an bpost, ar líne nó trí chúpón a sheachadadh!

An raibh a fhios agat? Gníomhaíocht A Dhéanann Tú Féin

An Post Díreach A Thuiscint

Tagann an Post Díreach trí do bhosca litreacha, seoladh chugat é agus déanann sé táirge nó seirbhís a thairiscint duit a bheadh oiriúnach do do riachtanais. Litreacha simplí is ea roinnt den Phost Díreach, ar féidir iad a chur ar an bpost go héasca agus glacadh leo go héasca. Ach tá cruth agus méid neamhghnách ar roinnt míreanna, mar shampla, tagann roinnt díobh i mboscaí nó fiú amháin i bpacaí Poist Dhírigh mar aon le litir, bróisiúr, táirge, sampla, litir clúdach fillte agus litir clúdach imeachtrach. Gach mí, cuirtear na milliúin mír Poist Dhírigh ar an bpost tríd An Post.

Post Díreach san Aois Dhigiteach

Bhí Playstation agus ríomhairí glúine agat ar feadh do shaol go léir, bheifeá caillte gan do ghuthán agus bhí an tIdirlíon ann i gcónaí, tá sin ceart?  Mar gheall ar sin, taispeántar de réir taighde gur bhreá leat rud a fháil sa phost ar cuireadh chugat go pearsanta é. Ciallaíonn sé sin gur sprioclucht níos fearr í do ghlúin, a bhfuil a fhios aici conas a oibríonn ríomhairí agus an tIdirlíon agus ar breá léi brandaí, don Phost Díreach - a oibríonn níos fearr i gcomhar leis an teilifís, an tIdirlíon nó gutháin phóca.

An raibh a fhios agat?

An raibh a fhios agat?

Chonacthas an chéad mhír Poist Dhírigh is eol dúinn fadó, 1000 bliain roimh Chríost. Scríobh úinéir talún Éigipteach fógra ar phíosa paipíre (sórt duilleoige) ag lorg sclábhaí ar teitheadh. Is féidir an fógra bunaidh a fheiceáil anois i Músaem na Breataine. Nach iontach é sin!

Gníomhaíocht A Dhéanann Tú Féin

Gníomhaíocht A Dhéanann Tú Féin

Cén fáth nach gcruthaíonn tú do mhír Poist Dhírigh féin? Abair go bhfuil tú i gceannas ar chuideachta a dhéanann táirge áirithe a thairiscint, aon rud is maith leat. Scríobh litir anois chuig do chustaiméirí ag insint dóibh an fáth ar gá an táirge seo a cheannach.
Agus má tá fonn cruthaitheachta ort, is féidir leat smaoineamh ar rud éigin eile a chur chucu, a thugann eolas iomlán do tháirge dóibh ar bhealach spraoiúil agus suimiúil!
Leathanach Roimhe Seo