An Post Schoolbag

Oifig an Phoist

Cad A Bhíonn Á Thairiscint Ag Do Oifig An Phoist

Chomh maith le hOifig an Phoist a úsáid chun do phost a chur tríd an bpost, mar a dhéanann na mílte duine agus gnólacht gach lá, is féidir a lán rudaí eile a dhéanamh ann chomh maith, mar shampla, cuntas coigiltis a oscailt, airgead a mhalartú i bpuint Steirling agus dollair na Stát Aontaithe, iarratas a chur isteach ar do phas, breisiú creidmheasa a fháil do d’fhón póca nó fiú amháin scannáin a fháil tríd an bpost! Lean ort ag léamh chun na rudaí go léir ar féidir a dhéanamh ag Oifig an Phoist a fháil amach.

An Raibh A Fhios Agat? Gníomhaíocht A Dhéanann Tú Féin

Do Phost A Thomhas

Ag Oifig an Phoist, tá ceithre shórt pacáiste ar fáil do do phost. Braitheann sé ar an rud ar mian leat a chur tríd an bpost. Cibé an litir chuig do Mhamó i gCeatharlach atá i gceist nó bronntanas lá breithe do do chol ceathrair i Nua Eabhrach, déan cinnte de pacáiste oiriúnach a roghnú!

Úsáidtear an Clúdach Litreach Beag chun litreacha, billí agus cártaí buíochais a chur tríd an bpost.

Úsáidtear an Clúdach Litreach Mór chun irisleabhair agus bróisiúir a chur tríd an bpost. B'fhéidir go mbeadh spás ann freisin do phéire stocaí!

Tá an Pacáiste níos mó ná an clúdach litreach mór agus úsáidtear é chun rudaí mar DVDanna nó leabhair a chur tríd an bpost.

Úsáidtear an Beartán chun rudaí atá ró-mhór d'aon sórt clúdaigh eile, a chur tríd an bpost, mar ríomhaire glúine nua nó b'fhéidir bróga reatha fiú amháin!

Athnuaigh Do Phas, Faigh Breisiú Creidmheasa Do D’Fhón Póca Agus Faigh DVD Ar Cíos!

Níl aon rud níos measa ná do laethanta saoire a phleanáil agus a fháil amach ansin go bhfuil do phas imithe as dáta. Scaoll uafásach! Ní gá duit ach buaileadh isteach in Oifig an Phoist áitiúil agus réiteofar an fhadhb - laistigh de dheich lá chomh maith. Líon an fhoirm iarratais a thugann siad duit agus gheobhaidh tú uimhir aitheantais. Úsáid an uimhir seo chun d'iarratas a rianú ar líne aon uair is mian leat. Tá sé chomh simplí agus chomh tapa leis sin!

Tá sé éasca breisiú creidmheasa a fháil ag Oifig an Phoist do do fhón póca, beag beann ar an líonra, ní thógann sé ach dhá nóiméad. Mar sin, an chéad uair eile a bhíonn stampa á cheannach agat nó litir á cur tríd an bpost, faigh breisiú creidmheasa do do fhón póca chomh maith, agus cinntigh go mbeidh creidmheas agat i gcónaí!

An raibh a fhios agat gur féidir scannáin a fháil trí Oifig an Phoist chomh maith? Is féidir "Movies by Mail" a úsáid chun scannáin a fháil ar cíos, aon uair is mian leat, beag beann ar an áit ina gcónaíonn tú. Ní gá duit ach cláraigh ar líne agus cuirfear na scannáin is déanaí chugat tríd an bpost. Níl le déanamh anois ach DVD a roghnú!

An Raibh A Fhios Agat?

Oibríonn seacht míle fear agus bean in An Post ar fud na tíre chun 2.5 mhilliún (!) earra poist a bhailiú, a phróiseáil agus a sheachadadh gach uile lá. Sin méid ollmhór poist!

Gníomhaíocht A Dhéanann Tú Féin

An túsa an Picasso nua?

Tá seans agat anois do scileanna ealaíona a chur os ard. Iarr ar gach duine i do rang a stampa poist féin a cheapadh! Is féidir leis a bheith gealtach agus iontach nó bunaithe ar stíl chlasaiceach - is agatsa atá an rogha. Iarr ar do mhúinteoir ansin iad go léir a mheas agus an buaiteoir ámharach a fhógairt!

Stampa teimpléad

Leathanach Roimhe Seo Chéad Leathanach Eile